صينية معكرونه بالكفته والوايت صوص
المكوّنات
- كيس معكرونه اقلام
- مقادير الكفته :
- 1/2 كيلو لحمة مفرومة
- 2 بصلة وسط مبشوره ومتصفيه
- 2 معلقه كبيره بقسماط ناعم
- معلقه كبيره معجون طماطم او كاتشب
- معلقه ونص كبيره بيكنج بودر
- معلقه كبيره سمنه بلدي
- معلقه كبيره خلطة البرجر ماجي
- رشة ملح / فلفل اسود
- رشة بهارات لحمة
- رشة قرفة
- مقادير البشاميل :
- كيلو ونص لبن
- 3 معالق سمنه
- 3 معالق دقيق
- رشة ملح / فلفل اسود
- كيس ماجي بودر
- رشة جوزه الطيب
- اول حاجه بنعمل الكفته بنخلط كل مكونات الكفته السابق ذكرها مع بعض ونعجن بايدنا كويس لحد ما تعمل خيوط
- نبدأ نكورها كور صغيرة ونضعها في صينينه او طبق فيه دقيق ابيض وندحرج الكور فيها تتغلف بالدقيق
- في طاسه كبيره عليها مكعبين زبدة وشويه زيت تسخن ننزل بكرات الكفته تتشوح وتستوي ونطلعها نركنها على جنب ونعملها فحمه مولعه عليها زيت تأخذ ريحة الشوي 🤩😋
- تاني حاجه بنحضر صوص البشاميل بنجيب حله ونضع السمنه تسخن ننزل بالدقيق نقلبه بالمضرب السلك ونتركه يستوي في السمنه ثم ننزل باللبن ونفلب باستمرار بالمضرب السلك ثم نضع التوابل وبيكون الصوص خفيف ودا المطلوب
- بعدها نسلق المعكرونة بنجيب حله ونضع ماء مغلي وعليه رشة ملح فقط وننزل بالمعكرونة تتسلق شويه ونسببها سيكه كده تكمل سوا مع البشاميل في الفرن (يعني نطلعها قبل السوا بشويه)
- بنضع جزء من البشاميل مع المعكرونة ونقلبهم كويس تبقي غرقانه صوص
- وبنجيب صينية ونضع فيها سمنه ومعلقتين صوص بشاميل نوزعها بالفرشه في كل الصينينه ثم ننزل بالمعكرونة ونوزعها ونضع كرات الكفته نورعها على سطح المعكرونة ثم ننزل بباقي صوص البشاميل عليهم وننزل بالجبنه الموتزاريلا ونضع شويه كتير محترمين كده نغرقها
- تدخل فرن سابق التسخين على ٢٢٠ يذوب الموتزاريلا تسيح نشغل الشوايه وتأخذ وجه ونطفي (عبشان الصوص مينشفش نطلع على طول هي كده كل حاجه مستويه) وبالف هنا يمي يمي 😋🤩